
2008-06-26 | 17:01:52
Aisia
Jose Manuel Ortiz izan da garaile Sanjoanetako toka txapelketan
Ekainaren 23an jokatu zen norgehiagoka San Frantzisko ibiltokian
Sanjoan jaien baitan, Harizpe jubilatu eta pentsiodunen elkarteak toka txapelketa antolatu zuen. Txapelketa ekainaren 23an jokatu zen, San Frantzisko ibiltokian, Beotibar frontoiaren ondoan. Eskualdeko hainbat jubilatuk hartu zuten parte ekitaldian. Emaitzei dagokionez, Tolosaldekoen nahiz Tolosakoen artean, lehendabiziko postuan Jose Manuel Ortiz geratu zen. Denera 11 aldiz jo zuen txapa. Eskualdekoetan, bigarrena ere tolosarra izan zen, Juanito Zubeldia hain zuzen ere. Hirugarren postua, eskualdekoen artean, irurar batentzat izan zen, Jesus Vicenterentzat. Tolosakoei dagokionean, Angel Izagirre geratu zen hirugarren.
© Tolosa Herria Hedabideak S.L. - Araba etorbidea 5, atzea 20400 - TOLOSA - Tel.: 943 65 56 95
Faxa: 943 65 00 18 - E-posta: tolosaldean@tolosaldekohitza.info
Internet Ehuntzen S.L.-k garatua
Tolosa Herria Hedabideak S.L.ko kideak: Galtzaundi Euskara Taldea
Bertako Hedabideak (EKT)
eta Tolosaldeko Berriak Kultur Elkartea: 77 gizarte eragile.