Gaurko txupinazoarekin hasiko dira San Blas jaiak

2012/02/02
Aisia, Festak, Gizartea, Paperekoa
Nork

Ostiralean San Blas eguna ospatuko dute auzoko baselizan, baina gaur iluntzean hasiko dira jaiak. 18:00etan txupinazoa egingo dute, eta jarraian disko festa izango da.
San Blas jaietako egunik nabarmenena, ordea, bihar izango da. 11:00etan meza nagusia egingo dute, eta hain tradiziozkoa den bertako produktuen bedeinkatzea egingo dute. 12:30ean, berriz, eta eguraldiak laguntzen badie, toka lehiaketa izango da, bai auzotarrentzat, eta baita jaiak antolatzen dituzten Emendek elkarteko kideentzat ere. Arratsaldean, berriz, Elustondo anai-arrebak ariko dira trikitia joaz, 18:00etatik 21:30era.
Larunbatean, otsailaren 4an, haurrentzako jolasak egingo dituzte 12:00etan. Arratsaldean toka txapelketa izango da berriz, eta 18:30etik 21:30era disko festa izango da.
Otsailaren 5a izango da San Blas jaien azken eguna. Goizean goiz, 09:30ean, diana izango da Konponezinak txarangaren eskutik. 11:00etan, berriz, meza izango da, auzoko eta elkarteko zendutako bazkideen alde. Eguerdian, Amarozko dantzariek euren saioa eskainiko dute; Unai Otaño eta Iñaki Azurmendi aizkolariak, eta Peñagarikano eta Mendiluze bertsolariak ariko dira jarraian, bazkaldu aurretik.
Arratsaldean, azkenik, bertsolarien bigarren saioarekin eta trikitilariekin amaituko dira San Blas auzoko jaiak.

 

San Blas jaiak 2012

Otsailak 2, osteguna
18:00. Txupinazoa, jaiei hasiera emateko.
18:30etik 21:30era. Disko festa.

Otsailak 3, ostirala
11:00. San Blas eguneko meza nagusia. Bertako produktuen bedeinkapena egingo dute, urteroko moduan.
12:30. Toka lehiaketa, auzokoentzat eta Emendek elkarteko kideentzat.
18:00etatik 21:30era. Elustondo anai-arrebak trikitilariak.

Otsailak 4, Larunbata
12:00. Ume eta gaztetxoentzako jolasak.
16:00. Gipuzkoa mailako toka lehiaketa.
18:30etik 21:30era. Disko festa.

Otsailak 5, Igandea
09:30. Diana Konponezinak txarangarekin.
11:00. Elizkizuna, auzoko eta Emendek elkarteko zendutako kideen alde.
12:00. Amarozko dantza taldearen dantza saioa.
12:30. Unai Otaño eta Iñaki Azurmendi aizkolariak.
13:00. Anjel Mari Peñagarikano eta Aitor Mendiluze bertsolariak.
18:00. Anjel MariPeñagarikano eta Aitor Mendiluzeren bigarren saioa.
18:30etik 21:00etara. Elustondo anai-arrebak.

Gipuzkoako Ostalaritza Gida

Bilatu zure inguruko sagardotegia



Azken Eztabaidak

Berriketan.info [RSS]

  • Abatarra

    berria-(e)k beste sarrera bat idatzi du: Auzipetuek "proiektu politiko ororentzako eskubide guztiak" errespetatzeko eskatu diote Espainiari   duela 2 minutu · Ikusi

    Gaur goizean Bilbon egindako agerraldian adierazi dute epai bakarra "guztion absoluzioa" dela, eta zintzilik dauden epaiketa politiko guztiak bertan behera uzteko eskaera egin dute. <a href="http://paperekoa.berria.info/harian/2012&mdash…


  • Abatarra

    Hondarribiko Hitza-(e)k beste sarrera bat idatzi du Pakea Bizkaia etzi Hondarribian lehorreratuko da gunean   duela 2 minutu · Ikusi

    Unai Basurkoren Pakea Bizkaia belaontzia Hondarribiko Kirol Kaian lehorreratuko da etzi arratsaldean eta astearte arte izango da Hondarribian. Ondoren, Pasaiarantz abiatuko da. Astelehen goizean Hondarribiko ikastetxeetako Lehen Hezkuntzako laugarren mailako ikasleak belaontzia ikustera joango dira, eta 17:30etik 19:30era gainontzeko bisitari guztientzat irekiko dute. Ekimen honen helburu nagusia Pakea Bizkaia proiektua azaltzea da, hala proiektua hedatu


  • Abatarra

    Goierriko Hitza-(e)k beste sarrera bat idatzi du Biniloa, festarako aitzakia gunean   duela 10 minutu · Ikusi

    Koadro txikiaUrtean behin Beasaingo Igartza auzoko jaietan musika jartzeko ohitura zuen Jon Olanok (Beasain, 1973). CDekin aritzen zen, bera bakarrik, bost-sei orduan. Gerora, Beasaingo gaztetxean kontzertuak-eta izaten zirenean, Olanok erabaki zuen festari segida emateko musika jartzea, jendea garagardo batzuk hartzen ari zen bitartean. Egoitz Irizar (Beasain, 1975) gehitu zitzaion zeregin horretara. Igartzako hurrengo festetan, elkarrekin aritu [...]


  • Abatarra

    Eneritz Zabaleta-(e)k eguneraketa bat bidali du:   duela 14 minutu · Ikusi

    Atzo hegazkinean BOko zale guti (5 kondatu nituen) eta gehienak Londresera bestela jiniko turistak. Hala ere euskara bili-bolo zebilen. Ez litaike gaizki karrikan berdin balebil


  • Abatarra

    Tolosaldeko eta Leitzaldeko Hitza-(e)k beste sarrera bat idatzi du ‘Kanpanolue’ berbena bihar, 18:00etan, Errebote plazan gunean   duela 19 minutu · Ikusi

    Koadro txikia

    “Kanpanolue” haur eta familientzako berbena parte-hartzailea egingo dute bihar, larunbata, Villabonan. Antzezlana Erreboteko plazan izango da, 18:00etan, eta euria egiten badu, Berdura plazan egingo dute. Ikuskizunari buruzko informazioa: http://www.eidabe.com helbidean zintzilikatu dute.